კონფიდენციალურობის პოლიტიკა
ბოლო განახლება: 24.09.2026
ArchiBot-ს ამუშავებს Mediator Tbilisi. ეს გვერდი ხსნის, რა მონაცემს ვაგროვებთ, რისთვის ვიყენებთ და როგორ შეგიძლია მისი წაშლა.
რას ვაგროვებთ
- ანგარიში: ელფოსტა, სახელი და გვარი, როლი (მესაკუთრე, არქიტექტორი, დეველოპერი…), სურვილისამებრ ტელეფონი და კომპანია. Google-ით შესვლისას Google-ისგან ვიღებთ მხოლოდ ელფოსტას, სახელს და პროფილის სურათს.
- პროექტები: ფორმაში შევსებული ველები, მათ შორის საკადასტრო კოდი და მისამართი, დათვლილი პროცენტი და მისი ვერსიები.
- ატვირთული დოკუმენტები: მხოლოდ პორტალში, შენს პროექტში ატვირთვისას. ინახება პრივატულ საცავში და ხელმისაწვდომია მხოლოდ შენთვის.
- გამოყენების მონაცემი: რომელი გვერდი და ნაბიჯი გახსენი, რამდენ ხანს დარჩი ველზე, რა შეცდომა გამოჩნდა. ფორმაში აკრეფილ ტექსტს და ფაილის შიგთავსს ამაში არ ვწერთ.
რას არ ვაგროვებთ
- ანგარიშის გარეშე შემოწმებისას შევსებული ველები და ფაილები ჩვენს სერვერზე არ მოდის.
- „ხარვეზის შემოწმებისას" PDF/DXF შენს ბრაუზერში იკითხება და არ იტვირთება.
- მესაკუთრის სახელს და პირად ნომერს საჯარო რეესტრიდან არ ვიღებთ.
რისთვის ვიყენებთ
- რომ შენი პროექტები შეინახოს და გააგრძელო.
- რომ დავინახოთ, სად უჭირთ მომხმარებლებს, და პროდუქტი გავაუმჯობესოთ.
- რომ დაგიკავშირდეთ ბეტა-ტესტირებასთან დაკავშირებით.
მონაცემს არ ვყიდით და რეკლამისთვის მესამე მხარეს არ გადავცემთ.
სად ინახება
მონაცემთა ბაზა და ფაილები ინახება Supabase-ში (ევროკავშირი, ფრანკფურტი), საიტი მუშაობს Vercel-ზე. ორივე მხოლოდ ჩვენი დავალებით ამუშავებს მონაცემს.
შენი უფლებები
ნებისმიერ დროს შეგიძლია მოითხოვო შენი მონაცემის ნახვა, შესწორება ან ანგარიშის სრულად წაშლა, პროექტებისა და ფაილების ჩათვლით. მოგვწერე: sandro@mediatortbilisi.com.
ცვლილებები
თუ ეს პოლიტიკა შეიცვლება, ახალ ვერსიას ამავე გვერდზე გამოვაქვეყნებთ, თარიღით.